Raphael

ANIJET E VOGELA

Përse kjo kohë që ikën
Na prish e keq na thyen,
Përse ti nuk ri me mua
Përse larg meje ikën ?

Perse jeta dhe anijet
Me ngut e vrap ikin
Me krahët fluturim ?
Përse avionët fluturojnë
Më lart se vetë zogjtë ?
Përse miliarda yje,
Aty lart varur rrinë,
Përse qielli është larg
Përse më thuaj përse ?

Një tjetër ditë mbaroi,
Koha ikën me nxitim
E pas jo s’kthehet më.
Dhe një ditë tjetër iku,
Në këtë të shkurtër jetë
Ku s’dua vdekje në mërzi.

Era fryn e merr gjithçka,
Me anijet që ikin larg.
Edhe gjërat më bukura në botë :
Gazin e të qeshurat e fëmijëve.
Përse edhe retë vetë
Këtu s’duan të rrinë ?
Përse bashkë me to
Do ja mbathja edhe vetë !

Një tjetër ditë mbaroi,
Koha ikën me nxitim
E pas jo s’kthehet më.
Dhe një ditë tjetër iku,
Në këtë të shkurtër jetë
Ku s’dua vdekje në mërzi.

2005 "Caravane"

Shqipëroi: Simbad Detari