Poezi nga Ardita Jatru

- Ardita Jatru ka lindur më 1972 në Tiranë. Aktualisht, jeton në Selanik ( Greqi ). Pas përmbledhjes poetike ‘I falem jetës’ ajo ka botuar librin e saj të dytë, të titulluar ' Alter - Ego'. Poezia e saj dallohet për ndjenjat e pastra e të vrullshme lirike, intimitetin e ëmbel dhe sensual si dhe një ndjeshmëri prekëse e tepër njerëzore -

HARROMË

( Reflektim nga tabloja 'Kiss' e G. Klimt )

Harroji mesnetёt nёn dritёn e qirinjve
Dhe gotat e verёs kur toknim tё dy bashkё,
Harroji gishtat nёn kёmishёn e mёndafshtё
Kur pёrkёdhelnin thithkat e çmendura tё gjinjve

Harroji pёshpёrimat ndezёse gjith’ afsh
Dhe klithmat e pafundme tё harbimit.
Puthjen e fundit kur lёshoje nё flokёt e gjatё
Harroje dhe tё parёn puthje tё zgjimit.

NE TË DY …

Ne heshtim shpesh kur jemi pranё
Si zogj tё lodhur mbi njё degё
Dhe druaj tё tё them njё fjalё
Tё jap njё puthje a tё tё prek ...

Pa hё, ç’i thonё kёsaj, i dashur,
Tё jemi bashkё e tё mos jemi.
U dashka njёri larg tё jetё,
Pёr tё kuptuar ç’kishim, ç’kemi.

Dhe harrojmё pёr pak tё ftohtin,
Tek ngrohemi nё tё mallit flakё.
Dashuris’ i ngremё njё tempull,
Pёr ta shembur, ngritur prapё. 

KUR TI IKËN … 

… i dashur, e di !
Përsëri do të kthehesh,
Dhe shtratit tonë
Do t’i kem ndërruar çarçafët.

Në qoftë dimër,
Do të jenë ngjyrë blu,
E ne do të lundrojmë këtij oqeani,
Pambarimisht do të lundrojmë,
Për vela do të kemi zemrat tona.
E jastëkët do të jenë gjithnjë
Të kuq si dielli në fundgushti.

Në qoftë vjeshtë, i dashur,
Çarçafët do të jenë portokalli.
Portokalli dhe jastëkët.
Gjethe do të bëhen pëshpërimat tona
Atëherë kur të gjithë do të flenë.

Në qoftë behar,
Çarçafët do të jenë të gjelbër,
Për të kujtuar livadhet, i dashur, livadhet,
Ku rrokulliseshim si fëmijë të hazdisur.
Ishim akoma të parritur atëherë …
Jatakët do të jenë ngjyrë jargavani
Si lulet që nena mbillte në oborr.

Tani është vjeshtë, i dashur,
Është vjeshtë dhe pres,
Nen’ çarçafët e ngrohtë
Ngjyrë portokalli …

***

 
'Alter - Ego' - ballina e përmbledhjes poetike të Ardita Jatru