LOUIS ARAGON (1897 - 1982)

 
NE DO TË FLEMË BASHKË
 

E diel a e hënë qoftë
Darkë a mëngjes
Mesditë a mesnatë
Në ferr a në parajsë
Dashuritë njëlloj janë
Dje ti thashë këto fjalë

Ne do të flemë bashkë !
 
Dje sot e përgjithmonë
Rruga e jetës je vetëm ti
Zemrën time ty ta dhashë
Me tënden bashkë ajo troket
Për sa kohë që jetë do ketë.
 
Ne do të flemë bashkë !
 
Se dashuria ime për ty
Si  ka qenë do të jetë
Qielli lart si një çarçaf
Me krahët e tij të pushtova
Me mall dashuri e voluptet
Aq sa ti të dëshirosh për jetë
 
Ne do të flemë bashkë !

Shqipëroi : Simbad Detari